رهوان الشعر
حصان جامح
ينطر من فوقه الفرسان
يقع الفارس
و ان كان فارس
يتقابل تانى مع الرهوان
و ان كان أجوف
تحت الحافر
يقعد و يدق حداوى حصان
الاثنين، 4 أغسطس 2014
الكلمة طلقة
الكلمة طلقة
بندقيتها اللسان
هدفها طبلة
جوه أركان الودان
يا تصيب و تبنى
يا تصيب و تأذى
حسب النشان
الشعر مش عصفور
الشعر مش عصفور
بفخك..
تصيده أو زغلول
الشعر نسر
ان طار يخضك
و يعيشك فى ذهول
الشعر غول
لكنه وقت الحب عاشق
بيعزف الأرغول
الشعر مش مشكلة
الشعر مش مشكلة
ولا بحث فى ملفات
الشعر عيل شقى
يتشعبط النخلات
يرمى الدياب بالطوب
تعوى الدياب و تئن
الشعر عيل جن
م يحبش البشوات
الاشتراك في:
الرسائل (Atom)